ПӮДУЗЯТНИКЫ ДУСИНА, РОСОШ И ПЛАВЯ У 1930. РŌЦЇ.
Дусино, Рōсōші, Плавя – ōто є краснї села дшешнōй Свалявщины, кутрі мавут, ги другі населинї пункты Подкарпатя, свōю унікальну истōрію.
Фото. Красота Закарпатских гор дом далеко в горах, скотина на пастбище. Русинский Мир.
Ци знали Вы, ож на теритōрії села Рōсōші, были поклады соли, кōтру активно добывали ищи у 1839 рōцї? И до днись ся всокотили карты (1852.рӯк) росошанськōй шахты.
Фото. Красота Закарпатских гор вид из дома с высокогорья. Русинский Мир.
При Австро-Мадярщинї, исї села были у составі Свалявського ōкругу кōмітату Береґ.
Тямит истōрія и Дусинськый районный нотаріат, Свалявського ōкругу, Бережськōй жупы, при Подкарпатськӯй Териттōрії (1939-1944).
Адміністративнї реформы были фурт.
А як жили исї села у економӯчнōму планї?
Ци быв якый промысел, у часы Подкарпатськōй Руси?
Ōтвіт давут нам архівнї данї, а кидь май точно – «Podkarpatskа Rus business directory – Подкарпастька Русь бізнес каталог».
Жаль, там лиш записы за 1930.рӯк, а за Лōпушанку ни є нич.
Фото. Красота Закарпатских гор горная буханка. Русинский Мир.
У 1930.рōцї, у Чехословакії, проводив ся перепис людности.
Хосенно буде написати результаты перепису;
- РŌСŌШІ – 865 русинӯв, 55 жидӯв;
- ПЛАВЯ – 472 русины, 46 жидӯв;
- ДУСИНО – 786 русинӯв, 144 жидӯв, 3 мадярӯв;
- ЛŌПУШАНКА – 134 русинӯв, 2 жидӯв;
Фото. Красота Закарпатских гор дом далеко в горах, русины отдыхают в обед. Русинский Мир.
А типирь мош периходити до дрӯбных промыслōвцїв.
Зачну из Росош.
- У селі быв ГОТЕЛ, властник котрого Штерн Самуїл.
- МЛИН быв у Поповича Василя.
- Также у Рōсōшах жив ФЕРМЕР Мигаль (?).
- У записах споминат ся 5 бōвтӯв. Іх властникы Ґолдстейн Натан, Лазарь Гершкович, Мермелштейн Двойре, Штерн Герман и Можес. Штерн Можес также продавав ДОГАН.
Фото. Красота Закарпатских гор, вид на дом с самой высокой точки. Русинский Мир.
Село Плавя было пōвнустю «у руках» жида Вейса Соломона.
- У нього быв ГОТЕЛ, БŌВТ и продавав ся ДОГАН .
- Также, у записах, є жид Стернбах Герман, котрый быв художником.
Фото. Красота Закарпатских гор, горное селение. Русинский Мир.
У Дусинї пӯдузятниӯв было май бӯльше.
- ГОТЕЛ у селі быв Енґелмана Германа. Вӯн быв также ФЕРМЕРОМ.
- МЛИН быв у Василя Меленькы.
- МНЯСНИКОМ быв єврей Мейзік Ізраєл.
- СТŌЛЯРОМ быв Лейнер Маєр.
- ЧОБОТАРЯМИ были Фрідман Герман, Клейнман Можес, Гермелштейн Соломон, Неуман Манус, Вейс Самуїл.
- БŌВТЫ были у Енґелмана Якоба, ЕнґелманаНоя, Клеймана Самуїла, Мермелштейна Схулема.
- ДОГАН продав Енґелман Нōй.
Фото. Красота Закарпатских гор, дом далеко в горах. Русинский Мир.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).
Эх, история…