Угорах ген далеко де ніко не ходит,
Там водичка чиста з-пуд землі выходит,
Тамкы Бог, создав малиньку кырничку,
Не раз літом там жадно м пив водичку.
І так было споконвіку фурт собі она тече,
Юй мороз не мішат і даже сонце не пече,
Має вна своє начало, но ниє в ниї кунця,
Дивне маєме мы диво од Господа Творця.
Фото. Усть-Чорна, разрушенная узкоколейка. Русинский Мир.
То велика, то мала фурт она тече си з гур,
І на то она си має стрыменистый звур,
Для худобы і людий она Богом створена,
Чилядь дала юй імня просте – зворина.
А на руни зворина зливатся з ріков,
Бо освобождаєся она од звору оков,
Прохладні і чисті свої воды несе,
У Тису в Дунай навхтема навсе.
Фото. Усть-Чорна, разрушенная узкоколейка. Русинский Мир.
Зворину чистуйте люди не скітіт,
Нашым дітям і онукам сокотіт,
Абы мали собі з чого пити воду,
Коли пуйдут оддыхнути на природу.
Най си зворинка тече тай дулу зворами,
В благодатному краю всіяныму горами,
Най радує очи і життя нам дарит,
Най її рука людська ніґда не нехарит.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Стан, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
Очень красиво написано