Молодой краевед и будущий историк М. Чикивдя, собрал архивные данные о предпренимателях сёл СТРŌЙНОГО И ТИБАВЫ Подкарпатской Руси. Русинское национальное достояние!

ПӮДУЗЯТНИКЫ СТРŌЙНОГО И ТИБАВЫ!

Тибава и Стрōйно села днешнōй Свалявщины. Давно были у составі Свалявського ōкругу, кōмітату Береґ. Пак ся адміністративна структура міняла фурт. При Чехословакії, уже была жупа Береґ, а входили села также у Свалявськый ōкруг и выднесинї были до Дусинського нотаріату.

Дакōму интересно, ож што давно было у сих селах, ци якісь млины, пекарнї, бōвты, тай кōтрі люди были властниками. У архівных даных «Podkarpatskа Rus business directory – Подкарпастька Русь бізнес каталог» дашто ся вдало найти.

Айбо спиршу хосенно буде навести данї перепису людности у сих селах за 1930 рӯк.

ТИБАВА: Русинӯв – 706, жидӯв- 33;

СТРŌЙНО: Русинӯв -1 485,  Жидӯв – 113;

Архівнї дані про пӯдузятникӯв Тибавы є лише за 1930 рӯк. У селі быв ГОТЕЛ Клейнмана Вōльфа, котрый продавав и ДОГАН. МЛИН Ґрос-Вōльфа Герша. БŌВТ быв у Ґрос-Вōльфа Герша тай Шиповича Мигаля. У селі была акушерка (фамілія и имня на дōкументах ся стерло» тай ШВЕЯ Русинова Анна.

У Стрōйнōму уже быв май замітный розвōй. У селі были два ФЕРМЕРЫ Ґебеш Василь и Мейзлик Самуїл. Властниками ГОТЕЛӮВ были Якубович Герман и Мейзлик Йосиф. МЛИН быв у Мейзлика тай Зелмана Лейба. Лейбернам Можеш быв КОВАЧОМ. Ґебеш Марія была АКУШЕРКŌВ (сїльська баба).

У Стрōйнōму было 5. бōвтӯв. Іх властникы: Берґерова Ріфка, Клейнман Абраам, Клейнман Давид, Мейзлик Ізраєл, Мейзлік Самуїл. ДОГАН продавали Берґерова Ріфка тай Клейнман Давид.

Ясно, ож якісь данї гōднї ся втратити тōму, кидь тямите, авадь знаєте ищи якусь информацію, авадь увіділи сте хыбу, та НАПИШІТ!

автор: Михаил Чикивдя.

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.