СТАРІ КОЛЯДКЫ.
ТЕМНА НУЧКА. А темная нучка всю зимлю накрыла, А Пречиста Діва по світу ходила. А Пречиста Діва по світу ходила, Прийшла до багача на нуч ся просила. -Пане господарю, переночуй мене, Бо темная нучка находит на мене! А тот пан ґазда, не хотів ночовати, Казав своїм слугам собаками гнати. А тоты собакы Марію узнали, І перед Марійов на коліна впали. А Пречиста Діва по світу ходила, Прийшла до бідного на нуч ся просила. -Пане господарю, переночуй мене, Бо темная нучка находит на мене. -Ой я буду радый переночовати, Та лиш я ни маю вечыроньки дати. -Ой не треба мені вечиронькы тої, Ты лиш пусти мене до стаїнькы свої. Звізда в нибі сяє і місячик сходит, То Пречиста Діва свого сына родит. -Як бем была знала, що то мати Божа, Былам простелила до свойого ложа. Як бем была знала, що родит Ісуса, Былам го вповила шовковым обрусом. Як бем была знала, що то мати з Богом, Я бем была спала з дітьми пуд порогом. На многая літа і благая літа, Да сподобит Бог прожити на многая літа. ХРИСТОС СЯ РОЖДАЄ!! - СЛАВІМЕ ЙОГО! Слова колядкы записала Аня ЦІРИК Закарпатя, с.Грушово 07.01.2022 гуд.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора Аня Цiрик, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
