А што, кидь "інтеґрація" 70% русинського населіня ся ни стане? Давня засіченость на інтеґрації Україны у ЕУ, котру мали многі русинські лідеры щи сперед повномаштабнов войнов (СВО), ото щи єден ниумісный крок у рамках довгой тенденції одхыліня од посправді того, што мусай чинити. Типирь резултаты сюй засічености давут за ся знати. Діла типирь идут ни фест добрі, тай сяк уже доста давно. Исе сурова реалность. Шанса на інтеґрацію Україны тай ЕУ была тай буде близка ид нули. Тай, видав, на европськум континентови минули уже майлібералні рокы первой половкы ХХІ стороча. Исе то, з чим ся стыкає наша чилядь. Онь натулко ся концентрувучи на гляданьови про ся "адвоката" тай бізувучи одповідалность за тото на переповнині бюрократами инозимні інституты, русины издойняли одповідалность из себе. Про русину ЕУ тото приняло форму субсидованя културы тай абсенції политичной класы. У Пудкарпатьови тото принимат форму іґнорованя реалистичных, мусайных про ренаціонализацію місного населіня тай орґанизацію перемаганя державного притісниня мір. У обох трафункох многым май легко продовжовати кривулясті формы активізма, хотячи, обы ся хоть дашто поміняло, ги чинити тото, што посправді мусай. Сяка нація ни заслужує будучоє тай ни буде мати го, кидь ни має ид тому волю.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать автора;Society For Rusyn Evolution и источник: https://rusinskiimir.ru/ и автора SOCIETY FOR RUSYN EVOLUTION в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
