Стих, як я йшов на выборы …
ФУРТ БОЛЯЧА ТЕМА! Я йшов на выборы пішком, Не мав им мотора крутого, Серед гыртанкы став ми ком, Йой пана думаю вам того! До тої залы з прапорами, Поруг им тихо перийшов, Столы стояли вздовж шорами, Й имило тиліпати мнов. Туй кандидаты в депутаты, Занесли в ящиках питя, Но йсе оно - но йсе дебаты, Вже й повбералися шутя. У каждюй фіґлі доля правды, Порозумів им сийсь момент, Май бурш на выборах неправды... Свистав на ваш я реґемент. Доникав им што вто не моє, Што'м глядав тамкы'м не найшов, Де ділят злодії не своє, Я мовча плюнув и пушов. За выборы не хочу й чути, Я сам субі - усе керон... Типирь ня там й не затягнути, Аж бы ми дали й милийон! Шкода што так у нас ся склало, За гроші мож любый мандат, Учора быв ище міняло, А ныні никаш - депутат! Автор: Иван Бинячовский (Иван Бузаш) Написано наречиєм карпаторусинського языка вирхнього потисся Мараморощины 25.01.2021 г.