Зима - тото, коли цїпит, Завішені з пасульов міхы. На шпōрі ся варит токан, Тай такуй ся тōвчат ōріхы. Коли з чуре запахне сїчкōв, Отавōв й сїном, ги усе, У стайни рано-вичӯр кōвпут, Не мінят шуга ся сесе. У вороха ся збили кури, Не слабо в лабы позябли. Усе їх треба заперати, Убы лисиці не найшли... Упаде снїг, замерзне вшитко, Пак ходит датко ріже дрōв. Сямōтяжками тыча тьогат, Бо до роботы в нас любōв. Пак датко си привезе сїна, А дальше дома выддыхне. Потемок небо гет пōїдат, Так мало для таланту дне. А дале сяткы, они дōвго, Тото в зимі веселый час. Айбо парованя, таланты, Пилуют читаво на нас. Зима - коли ся треба гріти, До лиш из комена дымит. И вже ладити ся сукати, Сяк час нам зимный пролетит. Автор: М.Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
