КРАСА КАРПАТ Дують вітры, дують буйні, По горах літавуть І смерічкы у Карпатах Лишень колыхавуть. Нігде ниє сиї красы На білому світі, Бо прекрасна Верховина У зимі і в літі. За хмарами сонце світить, Серце звеселяє, Гріє русинови душу, Ходу укріпляє. Ей зелена полонина Тай зелені зворы, Радость мене обыймає, Коли йду у горы. На высокуй полонині Коники пасуться, Они весело ся бавлять Онь гривы трясуться. А до звора за водицьов Олені гордо ступають І найперше оленяток Малых напувають. Вуцьки наші рябі й білі, Травичку румечуть, Вучарикы, срібним тоном, Чути, як трумбечуть. А колися брынза варить, Зыйдуться русинки, Та принесуть у бесагах Їсти та й палинкы. Залунає коло ватры Співанка сумнинька, Про нелегку жизню нашу, Бо не солоденька. Автор: Михайло Бабидорич с. В.Бакта 17 мая 2007 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Михаил Бабидорич в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
