ІВАНАМ, ІВАНКАМ, ЙОНІЯМ, ЯНЧАМ І ЯНКАМ ОД ДУШІ Я ҐРАТУЛУВУ! АЙ ЗДОРОВЛЯ ВАМ ВІНЧУВУ! МІХ СЕРИНЧІ НА ДОДАЧУ! СМІХУ БУЛШЕ, А НЕ ПЛАЧУ! НИСЬКА СЯТО, НИСЬКА ЯНА Іване, Іванку, Йоні, Янчу, Янку! Хлопу, што їм мня Іван, Майбулше межи краян. Є вас та гі маку. Кличме лем гудаку. Сято Яна нись, Іванку, Цураву Тубі топанку. Каждый сято се чекав, Хоть Іваном ся не звав. Ниська Яна, їх честувуть, З вшытких боку ґратулувуть. Ай у церкви не забыли, На утреню вжек звонили. А по службі ся сохтує – Челядь наша мулатлує. Янки, Янчі, Іваны – Розказувуть нись они. Вадь у корчмі, а вадь дома Гостяться, гримлять, до грома. Гі чінґовик пела них Грум із неба. Вжек затих. Чути спів з ушытких боку. Файно бавляться, нювроку. Радуєся Пудкарпатя, Веселяться наші братя. Сесе сято ще притягло Звычай, што дівок запрягло. Уночи, та гі шалені, Дівки в ліс заворожені, Папороті цвіт глядавуть. Цвітом тым ся притігавуть Кажуть, файні леґіні. По восокуй вни ціні. Зато дівки по лісах Мечуться, хоть мавуть страх. А котрі ся в школі вчили, Вночи дома ся лишили. Папороть без цвіту, знавуть, З Янчами ся загурявуть. Межи хлопу є Івану, Гі в яри тых туліпану. Нашто папороть глядати, Кіть є з кого убирати. Бавтеся, бо ниська сято! В погарах уже наллято. За здоровля Івану, До дна вупийме, ану! Автор: Володимир Рошко
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Володимир Рошко в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
