Русинские кулинарные изыски с Михаилом Чикивдя. «Вже так салаты ся приїли, што чесно кажу, надōїли. Чого сь май легкого ся хоче…»

Русинские кулинарные изыски с Михаилом Чикивдя. «Вже так салаты ся приїли, што чесно кажу, надōїли. Чого сь май легкого ся хоче…»

Вже так салаты ся приїли,
Што чесно кажу, надōїли
Та тко минї типирь пувість,
Ож тко исе усьо пōїсть?

Чого сь май легкого ся хоче,
Бо черево ся ōнь източе.
Ни хоче ся вже нич масноє,
Хōть сяк казав'им й за пӯсноє.

Ай левишу якого й буль,
Ци мало поливкы, пасуль.
Тоды бы нарас легше стало,
Айбо про мене сього мало

А кидь бы Бог ся дав зобрати,
У тōрбу дашто си набрати,
З сōбōв ушитко, та у хащу,
Израдув душу си, пропащу.

Та мижи студїнōв, миж снїгом,
Испік бы буль, йсе первым дїлом
Тай кидь бы дуже дяку мати,
Та мож бы й инше паровати.

Но лиш тоды бы было дїло,
Ишло бы ся из дōмӯв смїло.
Тай кидь си дашто изварити,
Вже мож ся точно ни журити.

Сяк си чилядня припочине,
Й жōлудку инак ся учине.
Кидь сяк ни любиш, тото знак,
Ож ты, нибоже, ни руснак.

Автор: М.Чикивдя  Закарпатя 09.І.2022 р.

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.

Left Menu Icon