Б О С О Р К А Н Я (демонологія) (байка) Босорканя у селови Су́єту вчинила: Челядь и́ппну и шіко́вну Фест обговори́ла. Оббреха́ла, обгани́ла Пюдло обозва́ла, Свойим паскудезным пыском Подялазова́ла. Таги сотона́ збісо́тна - Злости юй не шко́да! Не поможе нич сюй бабі- Лем сячена во́да! Ва́да чи́тава в село́ви: Єдні ї боро́нять, Відьма тíтул має й шкóлы - Туйкы юй сторóнять. Айбо чилядь роботяща Вта, што ї вбгварила, Изобрала ся на бабу, Та й ї фест побила! Не фізично, а морально, Вбы порозумíла, Пысок юй закрыли вшы́ткі, обы унімíла! Обы ниґда не робила Су́єту в селови, Не́брязь вугнали из школы - Най пасе коровы! И коровы шкода, и́ппен, Фурії давати, Із-за сьої збісо́тної Будуть лем страдати! Най иде собі до фраса - вун из нив ґаздує! Дюґать ї і фест нив узькать - Вна пак фурт ларму́є! Не ведіть ся, люди добрі, Вы на босорканю! До добра йсе не приведе - Най йде в колобаню! Най споло́че ся студе́нов, Чистиньков води́цьов! Може чорноту измы́є Й сяде на гузи́цю! Не́брязь з ниї й паскудь ву́йдуть, Ста́не ба́бов ми́лов... Бо кедь ньит, та вы́зьме фрас ї из нечистов сило́в! Буде чилядь ї розумна Фурт иґнорова́ти, Та од мийриґу ї ша́ркань Буде файтовати! Айбо вже терпіти доста Відьмі фрасува́туй! Най иде в ліс, на болото, Там бде ґаздувати! Не давайме босорка́ням Жíвот нам казити! Треба бы сякуй немзо́ті Роги одкрути́ти! Автор: Леся Адамова Стецович sobota 11. listopadu 2023 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
