Б О Ґ Р А Ч В Закарпатю любить челядь Сю префайну страву, Ся їда немало рокув Має честь и славу! Кедь чекавуть гостюв важных, Иппно ся ріхтувуть, На гостину варять боґрач - Сим їх почестувуть! Мняса читаво туй треба: Виды два давуть ся. Й солонина прибуджєна - В основу кладуть ся. Солонина ся пожарить Масть ся з неї топить, Пак огень цибульку в чані Золотов ї робить. Морква, па́приґа червена, Парадичок пару, И петрушка свіжа, й кропець Для смачного вару! Чесночок и лист лавровый Кромпликы давуть ся, Галушкы з мукы напослідь В киплячоє мнуть ся. Вблизувуть огня язы́кы Ко́тлик повний стра́вы, Тріскавуть дрова сухинькі, Боґрач буде правый! А напослідь - палиночкы Нальєме пувде́цы! Йсе послідньоє из файных В боґрачови спе́цій! Пахне йсе предуже добре! Йще лїпше - смакує! Їчте, гості дорогенькі! Най вам похоснує! Шилияко роблять боґрач В каждому селови, Кажда сокачка, вадь сокач - В свому сохтажови. Вд ньому пйє ткось сливовицю, Вінко, авадь пиво... Лем най Бог дасть вшытким людям Жыти серенчливо! Автор: Леся Адамова Стецович sobota 5. srpna 2023 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
