КÊРÊЧАНСЬКЫЙ ÓКРУЖНЫЙ НОТАРІАТ, ГИ КÊРÊЧАНСЬКА ОТГ
Вшитко що новое – файно забыте старое. Типирішні зміны адміністративного пóділу нашого краю, дуже напоминавут адміністративну структуру Подкарпатськóй Териттóрії Мадярщины, выд 1939 рóку. У Кêрêчанськый нотаріат входили два села Кêрêцькы и Березникы. У Березниках главный быв староста.
Типирь вшиткі думавут, що бы треба для ОТГ и що бы мош изробити. Гóвóрят єдні, ош треба нам розвóй туризму, промисловости, всокóчіня екóлóґії, другі – треба нам футбóльні пóля, майданчикы и инше, триті гóвóрят уже щóсь из ôтділа фантастикы, робили бы «вêликое екóнóмічнóе чудо», ги У Сінгапурі. Айбо Сінгапура у нас точно нê буде. Кить ся щóсь буде робити та и ôто нê нарас тай дуже помалы.
А що робили месні власти давно, при Мадярщині? Що робив Кêрêчанськый нотаріат, убы пóпóвнити бюджет? Ôтвіты у ня є. Посидів им у архіві и найшóв им пóвно интереснóй інфорації. Годен им нарас пувісти, ош тоды крутили ся, як лиш гóнні были и, думаву си, ош дуже грамотно пóльзовали ся тыми ресурсами, що мали ся на теритóрії нотаріату.
Напишу про вшиткі из них. Може дащо из сього, узьмеме до увагы, та будеме рêалізóвовати типирь.
У «Подкарпатськôму Вѣснику», що ся издавав Регентськым Комісаром Подкарпатськóй Териттóрії, фурт публіковали лицитаціóнні ôбьявы управы общин Березникӱв и Кêрêцьок – Кêрêчанського нотаріату. Ôбявы ся касали дóзвӱл на лóвлю рыбы, авать право на вадаску, на єден рӱк, авать квартал; оренда зêмлі на 5 рóкӱв, продаж дерева, гонное право на 5 рóкӱв.
Наведу пару зразкӱв из тых ôбьяв.
Керечанськый нотарѣат
Управа общины КЕРЕЦКИ
ЛИЦИТАЦІОННОЕ ОБЪЯВЛЕНІЕ.
Управа общины Керецки сдастъ въ аренду на публичной лицитаціи, состоящейся въ Керецькахъ дня 14.октября 1940 г. въ 10 часовъ дополудня, право рыбной ловли въ предѣлах общины Керецки въ рѣкѣ Боржавѣ и еѣ притокахъ…
ОБЪЯВЛЕНІЕ О ПРОДАЖѢ ДЕРЕВА.
Лѣсовладѣльское сотовариство бывшихъ урбарниковъ въ Березнику (ж. Бережска) дня 17-го януара 1944. Въ 9 час. дополудня въ у урядовомъ помѣщеніи урб. предсѣдателя на лицитаціи, сопряженной зъ закрытыми письменными офертами, продасть дерево, стоячое на корню на предназначеномъ для чрезвычайной експлоатаціи въ 1943/44 году просторѣ, розмѣромъ около 10 кат. угровъ, расположеномъ въ своемъ лѣсномъ владѣніи, находячомся въ катастрѣ общины Березникъ, в лѣсномъ урочищъ «Лыса»
Подлягаюча заготовцѣ древесна масса: 1.500 м3 паливого дерева.
Растояніе отъ станціѣ кушницькой узкоколейной желѣзной дороги 15 км.
Неустойка: 500 пенге, т. е. пятьсотъ пенге.
На лицитаціи оференты повиннѣ къ своимъ письменнымъ предложеніямъ приложити належитости, предписанъі въ розпоряженіи ч. 504.276.-І-В-І/1941. F. M. въ 16. Розпоряженія пана м. кор. Министра Публичного Заосмотренія ч. 45.500/1943. Если къ ихъ предложеніямъ не будуть сесѣ налжности приложенѣ, то ихъ предложенія не будуть принятѣ въ увагу и будуть поважатися, яко бы они зовсѣмъ не были ихъ подали.
Условія лицитаціѣ можно осмотрѣти въ участковомъ нотаріатѣ въ Керецкихъ.
На лициаціи треба предъявити дѣйствительное мадярское промысловое свидѣтельство и документъ о мадярскомъ державномъ горожанствѣ.
Березникъ. Дня 28-го децембра 1943г.
Кікало Георгій урб. предсѣдатель
ОБЪЯВЛЕНІЕ О ПРОДАЖѢ ДЕРЕВА.
Лѣсовладѣльское сотовариство бывшихъ урбарниковъ въ Березнику (ж. Бережска) дня 17-го януара 1944. Въ 9 час. дополудня въ у урядовомъ помѣщеніи урб. предсѣдателя на лицитаціи, сопряженной зъ закрытыми письменными офертами, продасть дерево, стоячое на корню на предназначеномъ для чрезвычайной експлоатаціи въ 1943/44 году просторѣ, розмѣромъ около 25.2 кат. угровъ, расположеномъ въ своемъ лѣсномъ владѣніи, находячомся въ катастрѣ общины Березникъ, в лѣсномъ урочищъ «Галивлятый»
Подлягаюча заготовцѣ древесна масса: 3.240 м3 паливого дерева.
Растояніе отъ станціѣ кушницькой узкоколейной желѣзной дороги 14 км.
Автор: Михаил Чикивдя 13 декабря 2021 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
