ЛЕҐЕНДЫ ДАВНЬОЇ ПОДКАРПАТСЬКОЇ РУСИ
Бōгу дяковати, держу в руках уже гōтōві книжкы из зобраными легендами, оповідками, переказами нашого краю. Робив’им над книжкōв из честуємыми Иваном Бинячōвськым (Бузашом) тай Митром Попоп. Исе наша обща, наспулна робота.
Інїціатором книжкы быв Иван Бузаш, котрый заінтересовав мене тай Митру Попа, зробити сяку хосенну рōбōту. А таланту было читаво: выд збōру давных русинськых леґенды до роботы над выдаватильством книжкы.
Убы перидасти нарōдну бисїду леґенды тай ōпōвідок, записали сьме їх так, ги ся ōни приказувут межи чилядьōв. Каждый на свōму гōвōрі карпаторусинськōї бисїды. Приміром, я на сіверомарамōрōшськōму гōвōрі, Иван – южномарамōрōшськōму. Сяк, в зависимости выд реґіона Подкарпатя, всьо написано живōв русинськōв бисїдōв.
Адде, ужем писав, ож матеріал туй майбӯльше за нечисту силу тай істōрічнї пōдії краю. Зразкы русинськой демонолōгії поданї из всякых реґіōнӯв Подкарпатя: Верховина, Гурішня Боржава, Нижнїй Мараморош, Гуцульщина, Ужанщина и тд. Через леґенды тай оповідкы выдкрытый образ демонолоґічных персонажӯв, в які вірили Карпатські Русины. А тото босорканї, вōвкуны, чорнокнижникы, водяникы и инші.
Сив книжкōв, хочеме донести важнōсть всокочення нашого фольклору, указати зразкы демонолоґії тай выслітлити історичнї пōдії Подкарпатя. Ги писав Митро Поп: «Казкы, леґенды, и переказы суть специфічнōв памнятьōв минувшины народа».
Електронный варіант книжкы туй:
Автор: М. ЧИКИВДЯ 27 июня 2022 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
