Русинская поэтесса Аня Цiрик на Русинском языке: Сонце за горами сіло, Спати вже лігає. Оно місто в нучнум нибі, Місяцю вступає!

Русинская поэтесса Аня Цiрик на Русинском языке: Сонце за горами сіло, Спати вже лігає. Оно місто в нучнум нибі, Місяцю вступає!

Сонце за горами сіло-

Спати вже лігає.

Оно місто в нучнум нибі,

Місяцю вступає.

Цілый динь сонце світило,

Зимлю зугрівало-

Та пуд вечур ся вморило-

Хоче спати мало.

Вже закрыло свої очи-

Начало дримати.

А на нибі ясні звізды,

Будут му співати.

Так ся за динь наробило-

Выдкы тулько силы?

Над полями вно світило,

Там, де косят нивы.

Послє сильного дождя,

Село затопило-

Пушло сонечко туды,

Зимлю обсушило.

На городах ріпу коплят-

Малинько запріла-

Сонечко її просушит,

Бы у пивници не гнила.

Фрукты уже в садах,

ПомАли достигают-

Выд сонячного типла,

Вни ся наливают.

В хащу сонце зайшло в гості-

Там звірьки малинькі-

Свойым типлом їх обняло-

Стали ігривинькі.

За селом в ріці діти,

Плещутся із силы-

Сонечко воду нагріло,

Быся ни простудили.

Половину, що зробило,

Сонце вже й забыло-

Тихо очи зажмурило,

До рана уснуло.

Завтра рано треба встати-

Місяць поміняти.

Бо послє нучної зміны

Місяць пуйде спати.

автор: Аня Цiрик.

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора Аня Цiрик, в иных случаях будем обращаться в соответствующие инстанции (админам соц.сетей, и Суд).