Молодой Русинский поэт Михаил Стан на Русинском языке: І типир я хочу вказати всім сим, що навхтема я быв є і буду русин. Нам подарена сятым Богом земля-Пудкарпатська Русь юй імня. Русинские поэты!

Каждому з нас йся тема знакома,

Ніґде ниє нам так добре гі дома,

Ніґде ниє на души так спокойно,

Тиха жизнь без біды і без войны.

Фото. Подкарпатская Русь. горы. Русинский Мир.

Мы маєме благодатный свуй край,

Пудкарпаття вто наш земный рай,

Нам подарена сятым Богом земля,

Пудкарпатська Русь юй імня.

Пудкарпаття є рудный край муй,

Туй я ся родив і вырус я туй,

Туйкы я зробив первый свуй шаг,

А типир прославляю го у віршах.

Фото. Подкарпатская Русь. Горная речка зимой. Русинский Мир.

Дав нам Бог свуй русинськый язык,

Я з самого дєтства ід ньому привык,

Бо так говорили наші няньі і діды,

І я буду говорити так як они тогды.

Маєме мы горы і долы і воды,

Файно туй є за любої погоды,

Туй хоче ся жити до самої смерти,

За сяку красоту не гріх і вмерти.

Фото. Подкарпатская Русь. горы. Русинский Мир.

Всім богата земня наша Срібна,

Туй чилядь жиє порядна і трібна,

Маєме всьо мы лиш долі не маєме,

За границями ї всюды іськаєме.

Бог даст всьо вто ще инак буде,

Вернутся думу із-за граници люди,

Буде й на нашому орсаґови сято,

Для сього лиш гія голову пудняти.

Фото. Подкарпатская Русь. горы. Русинский Мир.

І типир я хочу вказати всім сим,

Що навхтема я быв є і буду русин,

Держімся ракаша сестры і браття,

Всьый світ ще узнає за Пудкарпаття.

автор: Михаил Стан.

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Стан, в иных случаях будем обращаться в соответствующие инстанции (админам соц.сетей, и Суд).

3 комментарии “Молодой Русинский поэт Михаил Стан на Русинском языке: І типир я хочу вказати всім сим, що навхтема я быв є і буду русин. Нам подарена сятым Богом земля-Пудкарпатська Русь юй імня. Русинские поэты!”