Молодой Русинский Поэт М.Чикивдя, делится своими размышлениями и вкусовыми предпочтениями Русинов! Русинская кухня – у Шпора.

ШПОР!

Што так читаво в живōтї для нас є “рӯдноє”?

Ōтвіт на исе звіданя буде рӯзняти ся в каждых нашых реґіонах. Такыми символами руснацького живота гōдноє быти червеноє вино, авадь сливовиця, из напиткӯв. Даґде, кидь на гостинї, на стōлі, ни є хріне, та ōто тоды ни гостина. Ткōсь ни годен быти без кіндеричаного хліба, а ткōсь – без квашенōй капусты. У дакотрых селах у почōтї читаво гурка, а дись токан из брынзōв.

Фото. Шпор (печка с чугунными плитами для готовки). Русинский Мир.

Сут и села, што ся славят вӯчарством, розводом буйвōлӯв, авадь иншōй худобы. Иза, приміром, славит ся свойив лōзōв, Лисичово – водянōв кузньов. И сякых примірӯв мож читаво наводити . Шпор – для мене є єден из симвōлӯв мойих дїточых рōкӯв, єдным из низамінных елементӯв нашого руснацького живота, котрый точно быв у каждого у хыжи. У многых вӯн є и на днешный час.

Фото. Печённая картошка на чугунной плите нарезанная дольками без масла, посыпается солью, готово к употреблению (блюдо на Тячевщине наз. – рiзнi). Русинский Мир.

Вӯн служит ни лише для тепла у хыжи, но на ньому ґаздынї, ги на плитї, варили істи. У блōдирі ни раз ся пік хліб, авадь колачі. Видїв им як ся сушат щіпкы, ци даже пекло ся струча. Но май ми ся затямили тай люблят до типир – печинї на шпōрі булькы (крумплі). Тōты скыбочкы пōрізаных бульок давали такый ароматный запах, што лиш си пōдумати, та вмоминтї ллє ся слина.

Фото. Печённая картошка (блюдо на Тячевщине наз. – рiзнi). Русинский Мир.

А які ōни дōбрі, ōто уже словами ни передати. У пӯсный динь ид тым скыбочкам давали ōлӯй из цибульов тай квашену капусту. А инак сыра, авадь урду тай дарабчикы солонины. Ися ся смакота чинила за пару минут, а рӯняти ся из нив мало што годно. Май ми ся затямило выд давна: на двōрі красна зима, ударили сильнї морозы, а я си сижу у теплӯй хыжи, у шпōрі шумит ōгинь, пораз тріскōтят іскринкы, а на таблах печут ся булькы. Красно, конфортно, смачно, ідеально!

автор: Михаил Чикивдя.

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).