ВЫДБЫЛИ СЯ ЗБОРЫ СРПЗ
21 юлія у Виноградōві выдбыли ся орґанїзацїйнї зборы правлїня Сōюзу русинськых писателю Закарпатя. Ги было ухвалено на зборах 13 мая у Сваляві, днишнї, другі зборы были проведенї, убы робити дальшї дії по выдновленю фунґованя літературного общества.
Фото. Герб Закарпатской области (Подкарпатской Руси). Русинский Мир
Спиршу члены правліня мали чисть пōслухати краснї спӯванкы выд Анны Кедик тай єї сестры. Наші спӯванкы тай русинська нōвта читаво порадовала душу. Пӯдтвердит исе каждый из нас. Увидїли сьме краснї кліпы, пōслухали русинські нарōднї спӯванкы. Час прӯйшōв у веселӯй атмосфері, што дуже радує. Забігаву наперед, Анна Кедик написала заяву и єдноголосно была принята у СРПЗ. Дякуєме сестрам Кедик за концертну програму!
Дальше засїдало правлїня, де обговорено много звїдань на рахунок фунґованя Сōюза. Гōлōвуючый зборами быв Иван Бинячōвськый. На порядку деннōму было выбраня секретаря орґанізації, зміна статуту, зміна назвы орґанїзації, принимання новых членӯв общества, запровадженя літературнōй премії им. Мигаля Града дїля зачинающых писателю и инше.
Первоє звїданя на порядку деннōму было выбираня секретаря. Секретарьом орґанїзації членами правлїня быв выбраный Мигаль Чикивдя.
Через ряд причин, орґанїзація не годна фунґовати у днешньому видї. Завто общество чекат реорґанїзація. На дальше общество буде єднати не лише русинськых писатилюв Пōдкарпатя, но и вшиткых нашых умільцюв: музикантӯв, художникӯв, фотоґрафӯв, скульптōрӯв и тд. Была затверджена нова назва – Общество русинськых умільцюв (укр.-Товариство русинських митців)
У Сōюз русинськых писателю Закарпатя (Общество русинськых умільцюв) были приняті Мигаль Стан, Василь Крічфалушій, Петро Береш, Анна Цірик и Анна Кедик. Но и ряд членӯв были иключенї из общества через неактивнōсть и нарушеня статуту орґанїзації.
Членами правліня была запроваджена літературна премії им. Мигаля Града (первого головы СРПЗ) дїля начинающых русинськых писателюв. Бӯльше за запровадженя премії напишу в ōтдїльнӯй публікації.
Митро Поп презентовав брōшуру “Подкарпатськый варіант русинського языка: азбука з “умлавтами”, діалекты и говор”. Орґанїзацїйōв азбука была принята, но рōбōту над правописом Митро Иванович буде продовжати.
Члены правліня дякуют Василю Васильовичу Лендєлу за орґанїзацію міста проведення збōрӯв, а сестрам Кедик за концертну проґраму.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
