Анонс «Отцюзнины» №1 (13) 2024
Анонсы•Feb 21, 2024
Скоро читателі зачнуть дуставати далшоє число културно-белетристичного журнала «Отцюзнина». У сесе первоє за 2024 рук число окрем уже шоровых ци серійных статий нашых ужгородськых вченых Володимира Фенича, Михаила Зана, Маріана Токаря, Павла Пеняка, Петра Габрина, етнографа-самородка Василя Студинського (Мишанича) трафили нові историчні и етноґрафічні матеріалы. Туй найдете интересный, высококвалітный чланок ужгородського вченого-археолога Игоря Прохненка и префайну сохташну статю такой ужгородського вченого-етнографа Павла Леня. Маєме надію, што сотрудницькі удносины з нашыма вченыма, патріотами края, не зопруть ся, а будуть и дале приноситы файні плоды.
У сьому числови «Отцюзнины» годни сьте щи прочитати статі молодых русинознавцюв: Мигаля Лыжечка з Ужгорода и Томаша Калинича, котрый наднесь жыє у Шотландії. Дякувучи їм, розшырять ся тематика журнала.
Перед офіційным выходом числа №1 (13) даєме вам можность ознакомити ся из статьов Томаша Калинича за Звун Свободы — у будучности на нашому сайтови выйде май повна, май розшырена верзія сього матеріала:Звун СвободыДругоє децембра 1920 року. Пуд даколишньым ужгородськым жупанатом — глота, не никавучи на дождь. Сперед барокової хыжі пудвішеный великый звун, завитый у звіздяну америцьку курагов.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
