МУДРОСТИ Кавиль люблю я солодкый, Чайчик люблю май гурькый. Видит ми ся, ож з роками Стаю я мало май мняткый. Уже не сердит ня погода, Не всяка друбна суєта. Не пилуву булше на автобус. Не встигну? Е, та не біда. Не встигну раз, та встигну другый, Намочит ногы ми роса. Ци може стану я май мудрый? Ци просто пукне голова? Най бігают круг мене дїти, Я їм ся радо лиш засмію. Будут много вни хотїти, Казати будут: " Што здриш, дїду?" А я лиш здрю туй, позираю, Тай радо їх я обнимаю, Бо прийде скоро їхньый час В росї змочити ногы раз. Я радо лишу сесю землю, Передам їм всї ключі. Най замкнут дверї, як гет пуйду, Як стратит ми ся слїд вночи. Автор: Мигаль Кушницкий
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на автора; Михаил Кушницкий и источник Мигаль Кушницькый Ютуб-канал https://rusinskiimir.ru/ в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
