На мотив пісні В. Кікабідзе «Мои года – мое богатство» Сідіє моя голова, Кудась волося повтікало, Айбо душа ще як нова, Хоть году доста юй немало. Сідіє моя голова, Айбо душа іще жива, Минувшоє богатством стало. В життю я часто пиловав И знав мішатися не в своє, Тай гроші не нашповровав, Мої годы – богатство моє; В життю я часто пиловав И гроші не нашповровав - Мої годы – богатство моє. Житя прожив я не впусту, Ще серце зовсім не староє, Та знаю істину просту - Мої годы – богатство моє Житя прожив я не впусту, Узнавши істину просту - Мої годы – богатство моє. А кидь удыйде сила з рук, Ослабну гет и всьо такоє, Мені поможе муй онук А, може, й двоє або троє! И кидь удыйде сила з рук, То посокотит ми онук Мої годы – богатство моє. Автор: Михаил Чухран
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ Михаил Чухран, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
