Каждьый має за сякоє, В голові памнятку, Сийсь дарабчик из дітвацтва, Быв про нас в порядку. Мы ся всягде пиловали, Вбы сьме были грубі, Лиш на танці ни пущав нас, Фивник што при клубі. Тямню першый ціґаретлик, Сміючи ся охну, А тоды повім вам прямо, Думав им што здохну. Фотбал били сьме до ночи, Пасла ся маржина, Ни ото што нись -- што ныні... Вже ни вта дітина. За біціґлі за вутцьовы, Йсе уд'дільна тема, В памняти ся запекла, Гій бы нанавхтема. Впершый раз став на колеса, Малость зажуреный, Пуд рудок -- до неба радусть, Печу гі скаженый. Треба было ипен дуже, Тай ни раз попріти, Вбы за боком гі каліка, Горсаґом литіти. Послє каждього заїзда, Зсукані куліна, Й до коргазу сьме ни бігли, Де пырщава Ніна. Вд тої радости слободы, Нам горіли лиця, Й ни біда што была бита, Риміньом гузиця. Ни ревали сьме ни зашто, Губы сьме кусали, Й на увсякі дурничкы там, Часу сьме ни мали. Каждьый тямит дашто своє, Й як бы ся ни выло, Золоті літа дітинські... Там нам добре было. Автор: З честованьом Автор: Иван Бинячовский (Иван Бузаш) Написано наречиєм карпаторусинського языка вирхнього потисся Мараморощины.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: ИВАН БИНЯЧОВСЬКЫЙ в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.