МУЙ ЧОРНЫЙ КАВІЛЬ Чо́рный ка́віль! Ма́ти Бо́жа! Пив бы’м, вôнь сверби́ть ня ко́жа. Вốчі лі́зуть із чола́, Сли́на з ро́та потекла́. Гу́рі ву́ліцьов іду́, Па́хне так, што вôнь паду́. Вон із кốчмы ка́віль чу́ти, Пốрфін го́ден ся іззу́ти. Зачало́ ня напина́ти, Ще й у че́реві бурча́ти. В две́рі кря́таву за ни́м, За ка́вільом дороги́м. Грốші з же́ба утіга́ву, Вôнь трясу́ся, так чека́ву Коли́ се́рбну ка́віль сма́чно І душа́ заспі́вать вдя́чно. Чо́рный ка́віль розтіче́ся Жы́лами. Смако́м поллє́ся Од поты́ліці до ну́г… Лі́тер ву́пити бы’м му́г. Та гі ді́вку, фі́нджя три́млю, Ра́дость я блаже́нну и́млю, П’ючи́ чо́рный і муцны́й – Ка́віль, се́рьцю дороги́й. Промыка́ву. Ща́стя чу́ву. Ся́то сам субі́ дару́ву. …Ту денце́ ся указа́ло, Фа́йный ка́віль, лем ’го ма́ло. Автор: Володимир Рошко
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать автора; Володимир Рошко https://rusinskiimir.ru/ в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
