ЯКІ СВОЇ КРУМПЛІ? Якоє щастя й кара мати, у себе крумплі на земли. Ань пораз хочеся ревати, кой бы робити треба йти. З кунця весни й до кунця літа, аршуй, копли, жукув збирай. А кой убирати їх вон треба, бери лігай хоть й умирай. Кажуть, што крумплі добре лічать: коліна, локті и хребет. Мені ся видить май калічать, каждый утікать уд них гет. Кулько часу й здоровля треба, тай наробитися ги вул. Каждый укаже пак за себе, што уже ни має бульше сил. Ци урожайні были крумплі, грубі, піціцькі вадь сказні? Садити у слідущому годі, бизувно будеме їх усі!... Їм пиля шпора з керта крумплі, й потихы лизькаву вино. Што дуже добре мати свої, пак ни умер роблячи нико... У каждув фіґлі - доля правды, мені так каждый уповість. Айбо, в життю майжинь насправді, майсмачно своє ся усе й ість.. Автор: Gyula Csólent
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения:Gyula Csólent, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.