Стих присячено 220 річчю дня народженя О. Духновича РУСИНСЬКА БИСІДА Духнович фурт казав, што ун – русин, З братами й сестрами народу вірний син И што довік ун не забуде свого роду! И я, як ун, донька русинського народу. И, як и ун, из молоком йсю бисіду я ссала, Коли малов ня моя мамка колысала. И были перші ми слова – живі русинські, Душі и сирцю рудні материнські. По світу білому усяды ня носило, Но бисіда русиньска была моцнов силов, Котра мене держала на сюм світі И в зимню студінь, и в жару уліті. Про йсе Будитель часто нам писав, Обы йсю бесіду ніко не забывав. Я по русинськы не ганьблюся говорити, Поезію на руднуй серцю бесіді творити! Дітий я своїх днеська учу честовати Вту бисіду, што-м дала їм, як мати. Я є русинка, я донька свого народу! Честую род русиньскый, пью карпатську воду, И докі ми живот даст Бог, так говорити буду И рудну бесіду я ниґда не забуду! 7.04.2023 Автор: Тетяна Рицан
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/, www.ungsobor.church.ua и Тетяна Рицан, в иных случаях будем обращаться в соответствующие инстанции (админам соц.сетей, и Суд).
