ЗИМНЬЬІЙ ВИЧУР... Чай - сверби́уска и ли́па, З ле́кварчиком пла́цкы... Ви́чур в о́болокы гли́пать- Моравсько́-русна́цькый... За́морóжені мали́ны В лíті што збирала'м, Я́годы, бана́н, яфи́ны - В кокте́йль изміша́ла. Па́ру яблок, мандари́ны, На вечи́рю - пло́вчик... Па́к на рекоме́, в пери́ны, А́вадь пуд покро́вчик. Дíтям кáзку, собі спрáвы - Вбы́ ново́є взна́ти... Ка́ждый хо́че своє пра́во - Ча́с лем для́ ся ма́ти... Свíтить в ня́ріці смере́ка, О́гникы блистя́ть ся... Со́н из ну́чков издале́ка В го́сті йти́ ладя́ть ся. При́вандруву́ть си пома́лы, Тишину́ прине́суть... Ты́х, што ся фараґлова́ли Изба́влять од стре́су... На́й бы вся́гды супуку́йно И и́ппно ся жы́ло... О́бы бы́ти в сьому свíті Вшы́ткым ся люби́ло... Автор: Леся Адамова Стецович
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.