КУШНИЦЬКІ *ПУДУЗЯТНИКЫ В ПÊРІОД ПОДКАРПАТСЬКÓЙ РУСИ (*пудузятник – (укр.) підприємець).
Кушниця – єдно из май давных сел нашого рêґіóну. Його активный розвóй припадат уже на часы Астро-Мадярщины, коли туй зачали быти разнї дêрêвні промисловости. За рахунок штрекы, якóв возили дерево из Бêрêзникӱв и Лисичева робота ишла выдносно дуже добре. Были туй и вêликі лісопылкы и инша подобна промисловӱсть.
Фото. Подкарпатская Русь.Здание окружного правительства. Иршава,.Русинский Мир.
Айбо туй робили нê лише из деревом. У книжцї «Ґеографія родного краю» споминат ся, ош в околицях Лисичова и Кушницї уже давно добывали жілізну руду. Часть тóй руды возили у далêкі краї. Часть руды пêрêраблява жилізна фабрика у Дóвгôму. У Кушници даже быв Мальтійськый Орден, котрый быв вêликым землевластником, и за архівными записами (Podkarpatskа Rus business directory – Подкарпастька Русь бізнес каталог ).
Фото. Подкарпатская Русь.Свалява, магазин обуви Батя 1939. Русинский Мир.
1937 рóку мав у Кушници млин. За записами 1930 рóку у Кушници была зареґистрована ««Швейцарська» компанія для хоснованя дерева» котра продавала дерево и выроблява двирі. У 1937 рóцї были записанї компанії по лісопілцї и деревозаготовли «Slabois” древопромисловóсть, Bois d` Industrie, Timber Holzindustrie Louis Spitz. Камняным заводом управляв Фрідман Симен. У записах за 1937 рӱк уже записані Хранêні банкы и кассы «Крêдитного цімборства у Кушници» Дерево и выробкы из нього также продовав дрӱбный промислóвиць Спітз Луїс (за записами 1937 рóку).
Фото. Подкарпатская Русь.Село Белки. Іршава. Русинский Мир
Суто дêрêвлянї выробкы продавали Єжек Мл. Фрт., Месарош Моріс и Павел. ( за записами 1938 рóку Месарош Моріс нê записанный) Быв у Кушници ГОДИНАРЬ Мелзнер Євжен и ПАРИХМАХЕР Легота Юліус ( записанї за 1937 рӱк). КОВАЛНЯ была у Менеша Ивана. Робили там КОВАЧІ Фанта Петро, а пак ( за записом 1937 рóку) и Суп Иван. СТÓЛЯРАМИ были Крейтерман Юда и Струлович Ґерман. Записанї ЧОБОТЯРЫ Струлович Самель, а выд 1937 рóку и Сесс Абраам Были у Кушницї и ГОТÊЛІ. Готелерами были Фрідман Ніссин и Пінкаш, Росенберґ Юда.
Фото. Подкарпатская Русь.Дома для служащих в Иршаве..Русинский Мир.
Выв 1937 рóку записанный готелер Фрідман Натган и Туристичный готел. Властниками БÓВТӰВ (продавали ся разнї товары) были Еліяш Фрідман, Герш Давид, Фрідман Йос, Ісак, Соломон. ТАБАЧНІ БÓВТЫ мали такых властникӱв: Фрідман Юда, Фрідман Якуб, а выд 1937 рóку и Фрідмова Ґізела. МНЯСНИКАМИ были Фрідман Герш Давид, Фрідман Ніссин, а выд 1937 рóку и Ґрӱнберґ Лазар.
Фото. Подкарпатская Русь.ршава. Почта и телеграф. Начало ХХ в.. Русинский Мир.
ДОХТОРАМИ были Гоужвічова Амалія, а пак Ватарі Юрій, а АКУШЕРКАМИ Бабецова Марія, а пак и Мурникова Анна. Быв у сêлі также НОТАРЬ Югасз Рудольф. Красно знаеме, ош туй гóнні бытии нê вшиткі, авать гóнні сати ся хыбы у записах. Тôму, тко знае ищи якогось пудузятника авать увіділи сте хыбу НАПИШІТ! На обращику лісопілка у Кушници, 1940 рӱк.
автор: М. Чикивдя.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).
Как владели всем в Карпатах иностранцы раньше, так и сейчас владеют.