Я відів сон, мині ся снило,
Світило сонце з неба мило,
Быв білый динь, година ясна,
И ярь цвила кругом прекрасна.
Я на колінкы опустився,
И тихо Господу молився,
Муй Ангел коло мене быв…
Мене не лишив, не забыв.
За всьо што маю и не маю,
Што дись грішу, а пак ся каю,
Но твердо вірю всьо мине…
Сокотит Бог сятый мене!
Сон віщый ми, у благодати!
Явила мися Божа мати!
И каже… Не ганьби ся родом…
Из под Карпат свойым народом.
Я відів сон, мині ся снило…
Там сонце радусно світило.
В души звізда сіяла ясна,
И днина была дуже красна.
Я відів сон… Свуй віщый сон…
У небесах гора Афон!
Там благодать, там Божый пир…
И вшиткі молятся за Мир.
Автор: Иван Бинячовский
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: ИВАН БИНЯЧОВСЬКЫЙ в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
