Давно чилядь прибирала,
Из кырниць хламуля,
Вбы у потучках чистинькых,
Польокати цуря.
Ци у зимі ци в яри,
Про любу погоду,
Несли в тазиках раматє,
Пра-бабкы на воду.
А типирь поникай там,
Што туды ся діє,
Каляниця-вонь кругом,
Аш душа німіє.
В нашых ріках кырницях,
Выздыхада рыба,
Боже правый образум,
Што нам є за хыба.
Давно чилядь мудрі были,
Ни плекали моду,
Чистовали слово Боже,
И його природу.
Ныні маєме проґрес,
Мыє про нас прачка,
Но з рікы ся вже'к ни нап'єш,
Бо име тя срачка.
© Автор: Иван Бинячовский (картинка інет)
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: ИВАН БИНЯЧОВСЬКЫЙ в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
