Не дай Боже аж битюг дустану,
Не кличте ня до ескуллапу,
Май скоро вина си налию,
А вни най ссут пийсю лапу.
В канчові винцятко челлене,
На шпорі ся спарит файно,
Не пхайте вня вты хімікаты,
Винцятка домашнього АЙНО!
Я сам собі буду цілитель,
Бо знаю што вно помагає,
Коли вд хвори нич не бирую,
Винко ня одно выручає.
Уд ныні я сам собі дохтор!
Бо лік я типирькы си знаю,
Кураж буду мати уд щастя,
Завто я його й уважаю.
И най там говорят што хотят,
Челлене мене звеселяє,
Дохторы овто не для мене,
Типирь я бизувно вто знаю.
Я сяду си из цімборами,
И повный погар собі нальлю,
Пилюлі най п'ют ескуллапы...
А я вся домашнього зальлю.
Типирь я вто знаю вже точно,
Й мене вже нигія вучити,
Домашнє винко є полєзне,
И я його фурт буду пити.
Автор: Иван_Бинячовский
Зборник "Русинська Тайстра"
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: ИВАН БИНЯЧОВСЬКЫЙ в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
