На лавичках усе сиділи,
Фурт говорили, казковали.
Ōни великоє богатство!
О кӯлько читаво фурт знали!
Бабкы старинькі, дуже жаль,
Многі из них вже пōвмирали.
Діды нас лишили давно,
А кӯлько йщи бы розказали.
Ож як косило ся давно,
У што ся люди убирали,
Живот проходив у рōбōті,
Тоды ни мало бідовали.
Як пасочкы несли сятити,
А у зимі колядовали.
Ни было читаво достатку,
Но доброты май бӯльше мали.
Ож як конōпні треба терти,
И як маржину дозирали.
А кōй потемок, тоды вшиткі,
На вичӯрниці ся збирали.
Усі ся на свальбу ся сходили,
Та як играли молодиці!
Як по гранках усьо косили,
А пак митали ся копиці.
Я пиля шпора доста слухав,
За тото всьо, за давнину.
Типирькы зась всьо хōчу чути,
Хōть годину тōту, єдну.
Автор: М.Чикивдя 2021 г.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
