Ниськы вже літо догарят,
Тепло, но дощит в селі.
По крыши гримит цяточками,
А зворы шумлят, ги живі.
Ги кліпнув, ōно ся минуло
Утікло, ги мрак з полонин.
Три місяці, ги міхы из зерном,
Сяк час пōмōлōв їх, ги млин.
Из рана, чим дале май стытко,
Не задерь пōжōвкла трава.
И студіньов кашле Боржава,
В юй шумі нам чути слова.
Слова, ош всьо ся минуло,
Хōть нараз не втікне тепло.
Вже хащу ишла бы фарбити,
Вже ōсінь ся просит в село.
Автор: М.Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
