Осінньый дощ ми играт нōвту,
Тай весело пōдуркав в стріху.
Из вітром листячко нарвав,
З вершанкы навбаляв ōріху.
Но мош си легко избыхнути,
Бо вже ся вшитко зашорило,
Уже чилядня ся не журит,
Ош дома сильно задощило
Та най типирькы доста ллє,
Огинь не сōгӯрше накласти.
Изісти скыбку из шкварками,
Авать мастити з цукром масти.
Огинь у шпōрі си горит,
Дрыва стрілявут, ги из пушкы,
Тай нараз в хыжи благодать,
Тепло и видко ся без грушкы.
Но сырōсть гойкат изодвōру,
Вже нагле рве ся нам до хыжі.
Так крутит вōздухом, двӯрцьом,
Що точно си дӯстане грыжі.
А в хыжи иншый ретуал,
На таблах булька ся дōпікат...
Сяк из дощами у мраках,
Оcінньый час помалы втікат...
Автор: М.Чикивдя 2024
Образчик - Bucovina, te iubesc
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
