Шумит пӯд горами Боржава,
Тече си туй шустра ріка.
За край наш - Гōспōду слава!
Де русины прожили віка!
Жиєме мы у горах Карпатськых,
Наші села выд гӯр до долин.
Народ - не династїй богацькых,
Но меле єднако всьым млин.
Є місто пӯд небом руснакам,
Што з Богом у сердцї живут.
Є місто простым неборакам,
Што в свїт за кōпікōв идут.
Най чиляди, прōстōму нарōду,
За труды тяжкі ся воздасть.
Не дав Христос пропасти ми рōду,
Тай типирькы, вірю, не дасть.
Автор: М.Чикивдя 2022 г.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
