Пивничка–в винний світ портал.
Іду та дам си пóгар вúна.
Не зáто,же тече ми слина,
а же такий в ня ритуал–
пуд вичер в наллятий погáр
побзéрати на сонця таніць.
Я добровольний сьому браніць.
Винó– то сонячний нектар.
Слова пасуй хоть не пасуй...
та нúяка іскристость слова
нам не опише пах з гордова
і сю сапфірову красу.
Бо грозно то є божий фрукт.
Най славний буде перший з пирьшіх
,ко ,набізунно,йші до віршох,
придумав з нього нам продукт.
Одпивам піціцько вина.
Таку красу аж чкода пити.
Та не п'ючи як го любити ?
Она нам нáто і дана.
Автор: Михаил Митровка
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора Михаил Митровка, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
