К У Г У Т И К Ы Тямлю, куй им бов малый, (смолавый бітанґа) Прятавимся усе, фурт, В хыжи, з-зад фірґанґа... "Кугутикы" м, тогды любив (солодкі лизати) Лиш не мавим, де на них, Купійок набрати... Нарадили ня цімборы, Самому зробити... Треба цукор в горницьови, На вгни потопити... Всыпавим, в новый горниць, Кіло "рафінаду"... Поклавим го на огинь, Чекаю параду... Цукор скоро ся стопив (булькат, ги нивоя) Вижу: радусти туй мало, Булше буде "горя"... Горниць, з карікы - куй знимав: Хыжу закурило, Обпекло ми всі персты, Падемент залило... Цукор - каміньом пак став, В новум горницьови! Не мож з нього дати їсти - Даже вже и псови... Стою, реву серед хыжі: "Поможи ми Боже!" Бо вуд шкоды ( што м зробив) Фірґанок не поможе... Автор: Василь Попик
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Василь Попик, в иных случаях будем обращаться в соответствующие инстанции (админам соц.сетей, и Суд).
