Русинский поэт Василий Попик «Зима “прийшла”… Из першым дньом Децембра – “Посивіли”: дерева тай трава, лиш в теплуй хыжи, трісконят у шпорі…»

Русинский поэт Василий Попик «Зима “прийшла”… Из першым дньом Децембра – “Посивіли”: дерева тай трава, лиш в теплуй хыжи, трісконят у шпорі…»

ПЕРШОЄ   ДЕЦЕМБРА

Зима "прийшла"...
Из першым дньом Децембра -
"Посивіли": дерева тай трава,
Лиш в теплуй хыжи, трісконят у шпорі,

Наладжені щи з осени - дрыва...
Огинь газда розклав ище на днині,
Газдыня файті, фрыштик вже ладит,

А на таблах (розпеченых) у ниї,
Штось смажится, й вода уже кыпит.

Из ранинька, розкладено таріля,
Фінджі й ожиці - чисті на столі,
Вжи повставали, й бігают по-хыжи,

Газдуські, рудні - діточкы малі...
Біжат ид мамці, наскоро до шпора,

Позвідати, ба што она ладит?
Нарізав нянько на дарабы хліба,
И за столом, родинным вже сидит...

Вун мовчкы спозирає "йсю картину",
И радусти в Души, ни є кунця...
Вуд Сирця - Богу дякує за Днину,
Й Серинчі просит - файті вуд Творця...

Автор: Василь Попик

Вместе с вами мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Василь Попик, в иных случаях будем обращаться в соответствующие инстанции (админам соц.сетей, и Суд).