МОЄ, ВАШОЄ И НАШОЄ
Брынза, крумплі, солонина,
чесночок, цибулька -
исе бетярська гостина,
сабантуй и гулька.
Шовдарь, пікниця и шойт,
гурка, тепертовы,
за сим їдіньом сытным -
утікавуть ногы.
Боґрач, левеш, боб-гуляш,
галасле и дзяма,
грибна поливка, марташ -
рукы ся ид ним тягнуть.
Лечо, тивтитка, пасуля,
рокот-крумплі, човлент,
сегединськый, торгоня -
очи їх, так й просять.
Токан, мачанка из грибув,
пирогы, галушкы,
кісто метаноє из сыром -
твердо у гелюх хочуть.
Кіфликы и поргоньовш,
чивриґы, гомбовцы,
самі пхавуться у рот -
на ракаш и штовца.
А щи й добрі вина є,
файна палиночка,
каждый любо у них нюрне -
кіть бы были у бочках.
Сама фіномна їда,
у нашому крайови,
завто челядь у нас уся -
дужа тай здорова.
Йсе є наше їдіня,
маєте усі знати,
добриня и смакота,
вшитко - з Закарпаття!
Автор: Gyula Csólent
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения:Gyula Csólent, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
