ДНЕСЬ - ДИНЬ ЧОВКОЛАДЫ...
(фіґлярноє)
Я собі не знаву рады:
Дниська сято човколады!
Но а я - дієту держу,
Лакомлюся, се не вержу !
Так ми пахне, так притігать,
Смуток ми на серце лігать-
Всі давуть смачні картинкы,
образчикы і світлинкы:
Там смачнюща човколада...
А мене бере досада:
Маву цукрикы вд цімборкы,
Од Полянської мажоркы:
Вшилиякынькі конфеты
Смаку й запаху букеты-
Чорнослив у човколаді,
Добрі кремові, парадні,
Файні, смачні, дорогí,
Мняткі, нєжні і тугí.
Люблю май бüльше - орішкы!
Я за ними йшла бым пішкы!
Йще в молочнуй човколаді
Добрі, коняком полляті.
Кавіль им од ним я пила,
На роботу м си носила,
Все м собі їх смаковала,
Но і кіла набирала...
Раз вже днись такоє діло:
Човколады захотіла
Дниська ся я майже спорзню-
Файный цукрик собі возьму,
Изварю од ньому каву-
Мало файно ся помаву!
Раз є човколады сято
Я отмічу го затято!
Автор: Леся Адамова Стецович středa 11. července 2018
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: Леся Адамова, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
