Файна вто добрятина
Кромликы печені,
А дарабчикы-скибкы
Мастьов помащені.
Кедь не мастьов та олаю
На них вляти ця́пку,
Сяк їду робили в Краю
Просту, не на ся́ткы.
Брынза файна из комо́ры
Вд кромпликам парує
Солонина из буділкы -
Вшыткым йсе смакує!
А кедь є квасна капуста
Дома у гордо́ві,
Товды у ґазды не пусто -
Будут всі здорові!
Мавут честь у селах булі
Усягды в Карпатах,
Піціцько од ним цибулі
Й вінка - йсе зарплата!
За уто, же ся трудили
Од яри до зи́мы,
Шпурували и ростили,
В кажду Божу дни́ну.
Бо изпе́чені на шпорі
Скибочкы - добре́зні!
Най йде вшытко нам удго́рі
З серенчо́в файне́знов!
© Автор: Леся Адамова Стецович neděle 11. února 2024г.
Обращик позычила од Сергій Івашкович. Дякуву красно.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: Леся Адамова, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
