Изтікать воск горячый - свічка плаче, Ґнот в нюй яскравым огником горить! Увонка вичур, гий незрячый У хыжку вд жуночці спішить... Спішить и тішить ся ...Пилнує, Бо жуночка є там сама... За милым свойим вна банує, Хоть осінь, а в души - зима... Зима студена и ледо́ва И в шпорі фест дрова тріщать, И осінь зла́та и медо́ва, И звізды в оболок блистять... Блистять гурі у вы́сях неба - Бо буде завтра вже мороз... Живуй души - фест душу треба Нафурт, без су́єты и сльоз... А слезы в жуночкы бывавут, Кой смутно й тяжко на души. Гадкы и бÿль вни измывавуть... Што розум юй колись внушив... Розсвітить ся мобіль наремно И піпне СМС нова: Погладить справа душу ємно И читаво цінні слова: "Агой, мала! Як Ты ся маєш? Я буду скоро, кедь дасть Бог! Хібиш ми моцно! Ба, ци знаєш? Гадкы зо мнов фурт, про нас двох..." И полівило - лекше стало, Изтихла читава жура́... В жытю жунчовці треба мало - Лем вчути трібні йсі слова... Автор: Леся Адамова Стецович sobota 18. listopadu 2023 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
