ПОЛЯ́НСЬКА ОСІНЬ... Изсы́пало ся листя золотоє Из явора старого при путьови, Извер вун шатя своє дорогоє, Обстав ся без тепла и літньої любови... Ходила чилядь ся пилнувучи у осінь И о́хры барвами ся бізонь любовала... Затихли звукы літа стоголосі, Бо По́ляна ся в жовтоє убрала... Жытя сільського ритм обы́чный - На біціґлях у бовт, пак квас набрати... Сохтаж поля́нцю иппный и привычный, Туй знавуть й люблять файно фіґлювати... Туй добрі душі ма́чата спаса́вуть, Накормлять, лічать, в себе приютять... Мняткоє серце сесі люди мавуть, Сокотять тых, котрых пусті гиря́ть... Кой серпик мíсяця над По́лянов засвітить, Звізда́ми нуч цілоє небо спарадить... Дись совість буде чиюсь душу файно гріти, Бо вна ушытко доброє й сердечноє тямить... Автор: Леся Адамова Стецович čtvrtek 26. října 2023 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
