КРУЧЕНИК Замісила бабка тісто- КручЕник захотіла. А як тісто пудойшло На стул го зложила. Розкачала і сливовым Джемом намастила- А джем оріхом молотым Густо припудрила. Закрутила його файно, Яйцьом помастила. Крученик поклала в тепшу Рушничком накрила. Розтопила бабка піч Сухымы дрывами- Всьо красно наріхтала Старыми руками. Піч горяча-бабка грань В бокы розтручала. А на саму середину Крученик поклала. Цілі два ся часы п'юк Крученик рум'яный, Бабка з печі го дустала- Красный і духм'яный. І до бабкы по обіду Внукы ся збігают- З свіжым, теплым молочком Крученик "змітают"... Жаль типир не ты часы- Всі совреминні стали, І рецепты нашых бабок Вны не перийняли. Бурш такої вкуснятины Ніґда сме не їли- З кручеником за столом У бабкы лиш сиділи. Спогады ня повертают У дєтство щасливе- Де любов, добро і мир І всьо рудне, миле. Автор: АНЯ ЦІРИК 19 ноября 2022 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора Аня Цiрик, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.