ŌБУВНЇ БОВТЫ «БАТЯ» У ПОДКАРПАТСЬКЫХ СЕЛАХ.
Колись, до Другōй світовōй вōйны, чеська фірма, сїть бōвтӯв ōбуви «Батя, была єдна из май популарных у світї.
Основав ї чех Томаш Батя, у гōрōді Злін, Моравська часть Чехії.
Май великоє процвітаня ōбувнōй компанїі настало у часы Первōй Чехословацькōй Республікы, ипен тоды, кōй и Подкарпатя было у составі сий державы, и кликало ся Подкарпатська Русь.
У 20. рōкы Батя быв май великый выробляч ōбуви у Чехословакії.
Ясно, ож сись торговельный маґнат прийшōв и у города нашōй Вӯтчизны тай дуже скоро став пōпуларный. Што лише говорит, приміром, великоє число рекламы, кōтрōй было читаво у ґазетах.
- У Ужгородї и Мукачеві были построєнї палаты «Батї» (Батьов Дом).
- У Хустї, Берегōві, Сивлюшови были торговельнї дома фірмы.
- Также бōвты были у вшидкых днешный городах Подкарпатя:
- Тячōві,
- Рахōві,
- Сваляві,
- Иршаві,
- Перечинї;
- Селищах;
- Великый Березный,
- Вōлōвиць,
- Воловōє (Мӯжгӯрья).
Айбо на сьому ся ни кӯнчило, бōвты сий пōпулярнōй фірмы были и у великых селах Подкарпатя. А кидь раховати, кӯлько было маґазинӯв, у вшидкых населенных пунктах краю, та станом на 1938. іх было аж 52!
Кōтрі ōтō были села?
Наведу список:
- КЕРЕЦЬКІ, ДŌВГОЄ, БІЛКЫ, ДРАГОВО, ВЫШКОВО;
- МАЙДАН, СИНИВИР, ВОЛОВОЄ;
- НЕРЕСНИЦЯ, СОЛОТВИНО, ВИРХНЯ СОЛОТВИНА, ТЕРЕСВА, ДЇЛОВОЄ, УСТЬ-ЧОРНА, БУШТИНСЬКЫЙ ГАНДАЛ;
- БОГДАН, ЯСЇНЯ, ВЕЛИКЫЙ БЫЧКӮВ, ВЕЛИКА ДОБРОНЬ, ВИЛОК, ВЕЛИКІ КАМНЯТЫ, ЧОРНОТИСӮВ, КОРОЛЕВО;
- ВŌЛŌВИЦЬ, ЖДИНІЄВО, НИЖНЇ ВОРОТА, ПŌЛЯНА, ЧИНАДЇЄВО, ВЕЛИКІ ЛУЧКЫ, БАТЬОВО, КОСИНО;
- ВОЛОСЯНКА, СТАВНОЄ, ПОРОШКОВО, ДУБРЯНИЧІ, ТУРЬЯ-РЕМЕТЫ, РАКОШИНО, СЕРЕДНЄ, БАРКАСОВО, КОРИТНЯНИ;
А цїны на ōбӯв, кидь руняти, та были доста дōступнї, айбо ни для многых простых руснакӯв, лиш ōто уже инша тема. А исе єден из дарабчикӯв нашōй истōрії, у час розцвіту Подкарпатськōй Руси. Треба спомнити, ож у селі Коритняни, де тоже быв сякый бōвт, сього рōку выдкрыли памнятник основатильови фірмы – Томашови Батьови!
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).
Достойная работа!