З РАНА ВДАЛАСЯ ГОДИНА

З рана вдалася година,

Файна тепла літня днина,

Літови ниє кунця,

Радуются всі і вся.

Вряд отава у копицях,

Фрішна вода у кирницях,

Йду напитися бігом,

Лускаючи батугом.

Я не варошськый лиґінь,

Я ся родив у селови,

І не знаю што вто лінь,

Инак пусто на столови.

У селови всьо не так,

Музулі ся рвут кырваві,

Сільськый хлоп ниє бабрак,

Не росчахнеся в забаві.

Трудиме з рана до ночи,

Айбо пєме й самогон,

Так што пораз лізут очи,

Із орбіты тічут вот.

Сяк потихы й жиєме,

Сього маєме і того,

Й за оты усі дары,

Бога славиме сятого.

Йой сятило быся літо,

Нись не видко му кунця,

За ото в селови чилядь, Радуются всі і вся.

Добавить комментарий

Ваш адрес email не будет опубликован. Обязательные поля помечены *

Иконка левого меню