РЕАКЦІЯ літературної секції Русинського літературно-культурного общества «Карпаторусинські писателі Пудкарпатя» на коментар Є. Жупана – головы Народної рады русинов Закарпатя
Ныні карпаторусины Пудкарпатя стали свідками ситуації, котра про нас дуже тяжка тай непринятна. Вмісто того, обы пудпоровати карпаторусинську активістку Ґабріеллу Дерепу, котра выступила на Форумі ООН из звідань нацменшин – выступ, котрый у первый раз за многі годы пудняв реальні проблемы Пудкарпатя на межинародному уровню – голова «Народної рады русинов Закарпатя» Є. Жупан публічно удмежовав ся уд єї слув.
МЫ РАХУЄМЕ СЕСЕ УДАРОМ ПО ІНТЕРЕСАМ НАШОГО НАРОДУ По днись карпаторусины не вызнані в Україні. Фактично типирь проходит тиха асиміляція тай видиме еколоґічні хыбы, за котрі повіла Ґабріелла. Єї голос, що звучав у стінах ООН, – сесе не «загроза», а наш шанс заявити за ся у цивілізованый спосуб. У выступі карпаторусинськой активісткы и духу не є за сепаратизм, «руськый світ» и за всьо инше в чому ї винят русинофобы.
Замість пудпоры «лідера» єдної из основных орґанізацій Пудкарпатя, мы увиділи знакомі фразы: «не час», “не треба піднімати питання”, “після війни вирішимо”… Сяка тактика уже декадами держала русинськоє звіданя у глухому закуті. Позиція Жупана не має обєктивности тай мудрости. Сесе предательство інтересув карпаторусинського народа. Карпаторусины мают право на свуй голос. Карпаторусинув мают чути в Україні тай світі.
Нитко, тко намагат ся заглушити наш голос – не може претендовати на роль представителя нашого народа. Як літературна секція дуже просиме карпаторусинські орґанізації, карпаторусинську інтеліґенцію и вшиткый народ: пудпоровати тых, тко говорит за наш народ на межинародных платформах; присікати хоснованя карпаторусинської темы у шелеякых сепаратиськых, проросійськых, антирусинськх и иншых провокаціях.
Держати ся свого голоса – честовати ся межи собов. Наш голос уже было чути. Вун не пропаде! Ситуація довкола (не)діяльности Жупана вызыват много звідань. Мы чекаєме офіційного пояснення уд головы Народної рады русинов Закарпатя и його Правління.
«—Я не знаю, кого представляє ця особа. Але все, що вона заявляє, вона заявляє від свого імені чи не знаю, від чийого, хто її курує. Ці заяви не відображають позицію Народної ради русинів Закарпаття». Є. Жупан
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора Карпаторусинськi писателi Пудкарпатя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
