Закарпатский поэт Володимир Рошко, о национальном блюде русинов – Голубцы «Ко за го́лубки не чу́в, най би ся уже іззу́в…»

Закарпатский поэт Володимир Рошко, о национальном блюде русинов – Голубцы «Ко за го́лубки не чу́в, най би ся уже іззу́в…»

ГОЛУБКИ

Ко за го́лубки не чу́в,
Най би ся уже іззу́в.
Горни́ць го́лубку дава́й,
Нич не ли́шу, не чека́й.

Го́лубки ту ма́вуть сла́ву,
Ду́же лю́биме сю стра́ву.
Ї́сти би їх день у де́нь,
І не тре́ба шетиме́нь.

Най би бо́ла лем капу́ста – 
Па́хнуть ма́ло не до Ху́ста,
Ци соло́дка, вадь квасна́.
Шква́рка фа́йна ’д ним масна́.

По́рзні фа́йні і пусні́,
Го́лубки я ви́дьжу в сні́.
З улайо́м, парадічка́ми,
Із смета́нков, шкварочка́ми.

Би ріска́шу засмачи́ти,
Тре́ба за́пражку злади́ти.
Не лем мнясо ту пару́є,
І із гри́бами штіму́є.

Кру́тять го́лубки по-сво́му:
Вадь велі́кі – по-старо́му.
Го́лубок бов, гі папу́ча,
Лист капу́сти, гі ону́ча.

Жо́ни пра́влять нись мале́нькі,
Та гі па́лець, вни друбе́нькі.
Раз у рот – його ніє́,
Та́нірь чи́стий опстає́.

Раз у рот, і вжек по ньо́му,
Сла́ва ї́діню тако́му.
В Кра́ю на́шому ґазди́ні,
Пра́влять го́лубки ’д гості́ні.

Кру́тять го́лубки уся́ко,
Ву́йдуть вши́ткі вни янна́ко.
Хоть велі́кі, хоть малі́,
Лем най бу́дуть на столі́.

Сва́льба, ро́дний день, хрести́ни – 
Не буде́ без них гости́ни.
Што нам жа́би, слимаки́,
Пі́цца, а вадь шашлики́.

Равіо́лі, щі – не на́ші.
Із капу́стов дай ріска́ші.
Лі́пше го́лубки смаку́вуть.
В рот, гі дри́ва в пец, паку́вуть.

Яку́сь си́лу они́ ма́вуть,
На гості́ні вши́ткі зна́вуть:
На стул го́лубки кладу́ть – 
Го́сті з-за стола́ вставу́ть.

Се у нас такий сохташ – 
Докі голубки не даш,
За столом будуть сидіти,
Хоть до рана лопоніти.

Ко за го́лубки не чу́в,
Най би ся уже іззу́в.
Горни́ць го́лубку дава́й,
Стре́плю вши́тко, позера́й.

Автор: Володимир Рошко

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на автора; Володимир Рошко https://rusinskiimir.ru/  в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.

Добавить комментарий

Иконка левого меню