Ни грайте лем у тых границьох, што наші оппоненты поклали про нас. Ни перебачайте ся за такоє, што русином природньо присущоє. Роблячи сяк — автоматично програєте, тай бавите у тоту “бавку”, котра наладжена проти вас.
Што мы пуд тым розумієме? Ануж подумайте, як часто, коли бисіда заходить за русину, та нараз дустаєме реакцію, скапчану из “сепаратизмом” ци “нипатріотизмом”.
Исе одхылиня од истинної темы — вызнаня того, ож русины екзистувуть. Докидь вы придумовуєте шелиякі оправданя, зашто нисьме сепаратисты, тай зашто быти русином — ни значить ни быти патріотом своюй державы, шанс, обысьте ся твердо держали своюй ідентичности, вадь маймало обы они ся ставили ид нюй маймало серіозно, пролишеный.
Вы сьте у позиції обороны, коли, наопак, ваш оппонент мусить быти у нюй. Ни пуддавайте ся ідіотськым коментарьом. Місто того одповічте, ож исьте русин, тай обясніть, зашто ото, што за вас пишуть — ниправилно. Кидь вам кажуть, ож наш язык ото діалект — говоріть/пишіть ним, тай никайте, накулько добре вас будуть розуміти тоті, ко так каже.
Одбивавучи тоту аґресивну енерґію ид тому, из кым бисідуєте, силуйте його боронити свої пересвідчіня, ай ни наопак. Силуйте його чути ся ниправым. Бо вун посправді ниправый.
Дуже часто у контекстови леґітимізації русинської ідентичности многым май ефективно хосновати иппен сисю стратеґію, покласти оппонента у позицію “обороны”, ги провбовати ся у котрый раз оправдати тай опроверечи конкретні стереотипы за русину.
Булшина из наших оппоненту — нисовістні люде, котрі ни будуть нич арґументовати иппен по темі, як бысьте ни протестовали. Маймало, кидь ваша тота енерґія одповідать їхнюй енерґії, та они, вадь авдиторія, будуть бизуно знати, ож граєте ни у світови свого оппонента, айбо світови, што закапчує вас двох нараз.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
