Член Правления Русинского литературно-культурного общества И. И. Бинячовский «За плечми много пруйдено доруг, и всі д вутцювському вбертаются порогу…»

Член Правления Русинского литературно-культурного общества И. И. Бинячовский «За плечми много пруйдено доруг, и всі д вутцювському вбертаются порогу…»

За плечми много пруйдено доруг,
И всі д вутцювському вбертаются порогу,
Туды де'м родився колись и де я рус,
За кажьдю днинку дякую я Богу.

А щи ни раз им тяжко заревав,
Вбернувимся ги блудна вта дітина,
Бо русин я...  Ни раз усім казав...
Што туйка моя рудна Верховина.

Рутенія сята моя зимля!
Ты ніґда ни умреш у моюм серци,
Бо Ты у жылах мойых и кырви,
Пульсіровати будеш аж до смерти.

Я перед образом на колінках в углу,
Помолюся сятуй Причистуй Діві,
За вты дорогы и батрацькі вты годы,
Котрых за плечми фест на самум ділі.

Из памняти їх уверти ни мож,
Они навхтема там и їх ни мож истерти,
Завто ня фурт манит усе сюды,
Д вутцювськуй хыжи - бо лиш туй ми легко сирцю.

Йсе Мараморош Богом дана ми зимля,
Де сині горы рікы пудкарпацькі,
Озера чисті гий ранішняя роса,
Што на поля до днины годна впасти.

Йсе ми отцювзнина и діти мої туй,
И вбы лишив я своє - вто якусь нигоже,
Я молюся за Пудкарпацьку Русь...
И вірю ош Господь нам всім поможе!

Автор: Иван Бинячовский 2012 год

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/  и автора произведенияИВАН БИНЯЧОВСЬКЫЙ в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.