Стали коні коло мура, Скочив з воза конюх Юра, Замотав за стовп дяпловы, Тай подався до столовы. Раньньов теплов літньов днинов, Пахне свіжов сербанинов, Псы чатуют штось чекают, Попуд дверми ся валяют. Юрко нагле вуста крутит, У канчові кавіль мутит, З лайбика вон ціґары, До ґалибы - до мары. Юлішці аш дых испират, Бо овна за ним умират, Полюбився конюх юй, Хуть фіґлюй - хуть ни фіґлюй. Юлка поварит давно... Юй привычно гій бы вно! Ци фасулі - ци горох, Ци й у яблоках пирог. Ци мелайні палачінты, Ци кісіль челленый з тінты. Де ни ступит румеґає, В їдині ни уберає. Юрку най ти несу каши, Ци капусты простокваши, Огурку парадичок, Вать кампотику з дичок. Йзіш хуть концик солонины, Вать ковбаскы из конины, Ты ся Юрку ни ганьби... Куй ись туй - хуть штось бери. Я бим брав айбо тебе! Ай ийсе тя й ни мине, Ци в потемках ци й у днину... Грів бим твою солонину. Куй учула йсе Юлина, Потекла юй сходу слина, В ташку верла самогон, Жди ня суженый муй вон. Коні мої - коні острі, Вы чіковы дуже быстрі, Понисіт нас в полонину, Полюбитися з Юлинов. Лиш помале ни трясіт, Бо у ниї міозіт, Ще й на читавуй гузици... Щирячище паразіт. Автор: Иван Бинячовский
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: ИВАН БИНЯЧОВСЬКЫЙ в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
